اليكم بعض النكت الجزائرية الطريفة لعبد القادرالسكتور
-1- قالك واحد الثرثار
يزعق علا الناس بزاف و يحب يضحك علا الناس بزاف كانو باغيين
يخطبوله العائلة نتاعه قالو ل الثرثار ما تحلش فمك ما
تهدرش حتى كلمة ايدا عجباتك البنت قول واه و ايدا ما عجباتكش قول لا
و كي مشاو لدار البنت شافو البنت عاجباته قالليها
واه جا الاب نتاع البنت هاد الاب عايش غي ب اذن وحدة و الاذن
الثانية مقلوعة الرجل شافه و ما قدرش يصبر علا الهدرة ايا الاب قال
لعائلة الرجل : قاع رانا متفاهمين علا كل شي بصح قاع سمعت صوتكم غي
السيد (علا الرجل الثرثار ) قال له الثرثار و الله لا عندي غي سؤال
واحد تاكل الزرودية (الجزر) ولا والو قاله الاب واه ناكل قال
له الرجل لازم تاكل الزرودية دايما علا خاطرش الزرودية تنفع للعينين و
ايدا ما كليتش الزرودية ما تشوفش مليح و ايدا ما وليتش تشوف مليح غادي دير
نواظر (نظاريات) و النواظر ما يلصقولكش علاخاطرش عندك غي اذن
واحدة
-2- قالك واحد الرجل عنده حدبة ف الظهر مشا للحمام و كي دخل طاح علا
الحدبة قعد يدور برد ليهم
الحمام
-3- و هادا واحد حب يفوت رخصة السياقة 5
سنين و هو يفوت و ماربحش اللي كان يعلم فيه كره و ما قدر لهش
قال له غادي نعاونك نعطيك سؤال و ايدا جاوبت صح تربح الرخصة السؤال هو
ايدا كنت في سيارة و ما عندكش الفرانات (المكابح) و كنت في طريق مهودة و
كاين عرس علا اليمين و غي رجل علا اليسار وينتا تروح قال له نروح
علا اليسار علا خاطرش كاين غي واحد قال له جواب صحيح هاك الرخصة و روح
بعدني هاد الرجل شرا سيارة و بعد 6 اشهر كان في طريق مهودة و شاف
عرس علا اليمين و غي رجل علا اليسار راح لليمين و دخل ف العرس ب
السيارة 32 ميت و 15 جريح دار كارثة الرجل
للي كان يعلم في السياقة قرا الحادثة ف الجريدة و شاف الاسم نتاع صاحب
السيارة لقاه هو مشا عنده لقاه ف السبيطار قال له علاه مشيت علا اليمين
ياك قلتلي نروح علا اليسار قال له انا كنت رايح علا اليسار بصح داك الرجل
هرب لي
لدار العرس
-4-هادا واحد عرض صاحبه علا العشا دار له العدس قال له كول العدس فيه
الحديد بعد 3 ايام صاحبه عرضه علا العشا حط
له غي المعالق و الفراشيط و قدرة فارغة قال له كول الحديد فيه العدس
-5-قالك واحد العايلة عندهم مشكلة ف النطق باش يقول لك (ص) يقول لك (ه) و
باش يقول لك صابون يقول لك هابون هاد العايلة عندهم ولد صغير جابو له
معلمة تقريه المعلمة رسمت له حذاء قالت له ما هذا قال ليها هذا هباط
المعلمة حارت و عيطت لامه قالت ليها شوفي واش رسمت للولد قاتللي هباط قالت
له لا هذا هابو عيطت لاباه قالت له شوف واش رسمت للولد قال لي هباط مه
قالت لي هابو قال ليها لا هادي هنضالة